Неслi келiх... Па прыступках раяля...
Автор: Ангелина Добровольская
Неслі келіх –
па прыступках раяля
па клапанах флейты
па трубах аргана
па лістох
апалых гуках
вечнага дрэва
па хвалях
існай ракі
у якой не замочыш ногі
па шчырых аблоках
з адбіткам
боскай ступні
па Млечным воласе
што страціла
Марыя
у кола Віфлеемскае зоркі
але
той, хто трымаў келіх
азірнуўся
…знічка
пад босай нагой…
https://www.holypoem.com/12424
@holypoem
