Не сумуй, маё сэрца...
Автор: Ангелина Добровольская
Не сумуй,
маё сэрца,
Па даверлівых словах –
Адлятуць,
нібы з дрэваў,
Ды народзяцца
зноў яны…
Не трымці,
маё сэрца,
І надзеі не прагні.
Калыханка
і скерца –
Твой масток
цераз багну.
Не чакай,
маё сэрца,
Шкадавання, спатолі.
За жыццём,
па-за смерцю
Стрэне
іншая доля.
Там,
у палацы ўрачыстым,
За бялюткім абрусам –
Людзі
з душамі чыстымі
(Я за іх памалюся) –
Усе блізкія,
родныя,
Паяднаны любоўю…
…Тры крыжы…
Месца Лобнае…
Цвік
з Хрыстоваю кроўю…
https://www.holypoem.com/12450
@holypoem
